Laugardaginn næstkomandi verður Stefánsmótið haldið á okkar frábæra velli. Að venju verða glæsilegar veitingar á milli hringja. Veðrið virðist ætla að vera fínt og því tilvalið að nýta daginn í góðan 18 holu golfhring. Í dag 18. ágúst hefði Stefán Þorleifsson orðið 110 ára og mótið alltaf haldið í kringum afmælisdaginn hans. Mætum, fögnum og höfum gaman. Að sjálfsögðu er skráning í gegnum golfbox.

Neistaflugsmót GN og Síldarvinnslunnar verður haldið laugardaginn 1. ágúst á Grænanesvelli. Allar upplýsingar um mótið er á golfbox en þar er einnig skráning á rástíma. Mælum með að fólk kynni sér einnig dagskrá Neistaflugs sem verður um helgina því þar er eitthvað fyrir alla um helgina. Svo það er vel hægt að gera sér fjölskylduferð um helgina meðan einhverjir spila golf geta aðrir notið dagskrár á hátíðinni. Hlökkum til að sjá sem flesta og hafa gaman um helgina.

Eftir vel heppnað vormót þá er komið að Sjómannadagsmóti GN og Gjögurs. Sunnudaginn 7. júní kl. 10:00 verður fyrsta höggið slegið og spilað fram eftir degi.